| 尋日牧師向我透路 將軍澳個邊好似想請我做福音幹事 吓 唔係呀話! 個頭講完有離開的念頭 呢頭就俾條路我走? 但我承諾過留在總堂一年 我的感動在總堂喎(暫時仲係) 大家不如俾d 意見我 a. 總堂 b. 將軍澳 當初在總堂做原因 1. 未搵到野做 2. 師母 現在留在總堂的原因 1. 想發展青少年 2. 見証擴堂 3. 剛與會友建立關係 4.工作剛開始上軌道 想離開的原因 1. 牧師離開 2. 唔認同長執的管理論 3. 繼續留下沒有作為 4. 將軍澳事工我有經驗 5. 師母王生讓我可自由發揮 + 適當培訓 6. 迦密確實是一個好好的禾場 7. 縱然離職，仍可於教會關心他們的成長 如果我諗到 我會再更新 |
| |
| 究竟我是一個NO SAY的幹事?
是一個愚忠的幹事?
還是是一個冷漠的幹事?
牧師仲有半個月就要走，好快就無人替我撐腰了
我突然有想離開的念頭
但我應承過神要在總堂這裡一年，看看總堂的未來! 又怎可以一走了之呢
從前我就已經知道，離開是一個很容易的決定，可以好不負責任地置身事外
為了要幫助總堂的青少年人成長，令他們成為總堂未來的領導
留下是必需的
早幾日 X執事又同我傾計，
你有冇奉獻? 有冇奉獻係呢度?
我即刻打左個突 我有冇奉獻係呢度?? 我其實個心好想回應 我點解要奉獻呢度?
奉獻在那裡應該是我的自由吧!
其實我呢個月已經奉獻左呢度 我唔明白點解仲要黎咁樣問我
咩野呢度拎錢就奉獻係呢度!!
難道我沒有明明的寫上自己大名及月捐數目 就表示我沒有奉獻嗎?
當我同牧師傾既時候
牧師回答 : 我都沒有奉獻呢度，將軍澳比呢度更需要用錢!!
奉獻給誰 應由誰去決定?
不是你也不是我
其實奉獻在哪也不要緊 因為$都是從神來的
唯求神透過教會領導有智慧地使用呢D奉獻
才不會好像聖經裡所提及的僕人
有了錢卻甚麼也不做 到最後只會給主人罵
我不會與長執們發生正面衝突，可是我也不是牧師傳道，不能說教
唯有用愛心說誠實話，讓聖靈親自引導 |
| |
| 星期四晚 坐1A巴士到佐敦上IELTS
就在這個巴士裡 讓我看到2個極端的場景
真在不得不在這與大家分享一下
話說我一上車 就聽到有人用英語交談
原來係一個大約50歲的外藉太太 想去TEMPLE STREET
好心路人甲就話佢知點行邊個站落車 但好心路人甲係我上車個個站就已經落左站
好心路人乙、丙(情侶)見到咁既情況，就即刻上前幫助........
同一時間，在車廂的後面傳來很吵耳的聲音
最初還以為有人傾電話好大聲
點知原來係一對老伯伯老婆婆係度同一個師奶罵戰
罵戰如何發生 ?? 我唔知道
淨係聽到個伯伯 氣沖沖 很高音咁叫 (好似無粗口)
但應該係為左坐位既問題，而且又有小踫撞而引起
老婆婆跟住又大叫，你信唔信我打你!
師奶: 你打呀，監都有得你坐
老婆婆: 你落黎我即刻打你，你落黎丫
師奶: 你落車啦
一對老人家因為要落車，所以罵戰先結束
我個一刻係度諗，如何我係差人你話幾好呢
我就會即刻行過去，說
咩事咩事，我剛剛收工，我唔想帶人返差館飲咖啡
可能成件事就平息左
香港人好鐘意搵警察做擋箭牌 有咩事就話 報警啦
一聽到報警啦 呢三個字 可能好多人就會即刻息事寧人
話說轉頭，
好心路人乙丙同外藉婆婆講完邊條街落車之後，
佢地都要落車喇，
仲有兩個站外藉婆婆先落車，係呢個時候，究竟邊一個人會幫佢呢??
我都好希望可以幫到佢
但係我趕住要上堂
外藉婆婆落車之後，我望住佢行左去一間店舖到再問路
好心路人丁就指示佢正確既方向
我相信外藉婆婆一定可以順利去到TEMPLE STREET
最後我想講既係，香港人!! 有好多好心的路人甲乙丙，但亦都有脾氣暴躁，動輒就報警啦既香港人
香港是我家 又有幾多香港人肯咁樣做呢 |
| |
| 星期五的中秋前夕
今日的中三團契由我領詩，因為放假的原故，好多教會野都未做好
但又要領詩WO 所以係好趕急既情況下，就揀左兩首詩歌
特別鳴謝小琳、JASON、景麟的協助
我以為完左是次小組會有BBQ，點知原來唔係WO，
所以就突然轉軚，去紹賓哥哥屋企BBQ
多謝約書亞團的熱情招待，發覺佢地接受我的程度高過第一次好多，哈哈
第一次係一齊聽讚美之泉
今次算係第二次既約書亞團活動
都O岩既 唔可以成日都叫TARYN黎我小組，我都要抽多D 機會去投入佢地小組D活動^^
星期六中秋節
難得地牧師在教會煮飯食，我當然要留低啦，團圓飯WO~~
但這星期實在太多節目了，搞到周刊都未印，PPT又未整
餐飯好好味，仲有一位弟兄釣的鱸魚，好大條嫁~~ 好滑 =P
結果就冇去開(將軍澳)導師會
今日青崇係交職禮，可以同小組一齊寫下D期望呀、付出咁
希望佢地真係可以做到!!!! 準時開組 準時收組/早??!?! 哈哈
我地個組名叫LF2 G
小朋友齊打交2G XDXDXD
look forward to God
呢班人係可以好好栽培的 希望我可以做到!
晚上當然要回家做節啦~
諗住去高山搵TARYN GA 但佢話難得約左超人同ESTHER 又話要上佢屋企 我諗我都係唔咁方便 哈~
所以我就改左去寶康公園 同班中三既小朋友過~
又可以認識一下佢地D 同學 幾好~
之後又上左創霖屋企玩 BANG 確實係一個幾好既遊戲 簡單就是好啦 三國殺有點兒複雜 都係BANG好!
下年都係同女朋友過開心D
|
| |
| 國慶放假
我有咩節目??
一如以往 十一國慶都會係樹團BBQ既日子
其實我好想去 但可惜丫 屯門咁遠.... 一來一回無4個鐘 我又點JOIN 呢
本身我小組就已經約左小組活動
BOWLING~~~~ 繼上次同班中三碌完 又有得玩喇~
今次係CLUB HOUSE 入面既保齡球場，私人空間真係舒服到無朋友
風景又好 係D關卡覆雜又麻煩少少O者
哈哈 好好玩 ~~ 雖然身不在崇拜，但心仍在小組
見到我地小組雖然只係吃喝玩樂時特別有凝聚力
但我覺得已經係一個好開始
期待我地有更多既活動，可以等我非工作時間可以參加
晚上又一齊吃自助餐，
展鴻果然無介紹錯 呢間越南野好好味，又唔算貴
$120任飲任食WO~~
很開心的一天^^
詩歌推介: 神大愛 (好好聽) |
| |
